زمان الواحد بيسمع الكلمه دى وهو صغير فى الافلام والمسلسلات
ويفضل يقولك فارس الاحلام هيجى على حصان ابيض فى ابيض
على اساس انه لو جه على حصان اسود ميبقاش راجل
وتفضل البت يا عينى تحلم فى فارس الاحلام بتاعها
ويخلص الفلم ولا نشوف احصنه بيضه ولا حمرا حتى
والواحد يكتشف انه كان بيتفرج على فلم رعب اصلا فى الاخر
طب والله حتى فى الحياه
زى ما انتوا عارفين
ودى حقيقه مؤكده ان البنات خيالها واا اااااااااااا ااااااسع
اوى اوى اوى
وهى كده بتاع 15 ل18 قول 20
تحلم بشاب يخطفها بحصان ابيضانى وشاب وسيم وماسك سيف
انا مش عارف بجد هيعمل ايه بالسيف ده
ولا يكون غنى ولا فقير ولاالكلام الفاضى
ده كل ده زمان
دلوقتي بقى ...
برضه الخيال هو هو
بس التفكير اختلف
الى تفكر فى شاب مليونير يخلصها من عيشتها
واللى تحلم بواحد وسيم وشعر طويل ومسقط (البنطلون يعنى)
واد روش من الاخر
واللى حلمها يكون واد مجرب بيعرف يتكلم (حرك يعنى)
واللى حلمها يكون واد عضلات
والى والى الى
طب هو صحيح هى لسه حكايه فارس الاحلام والحصان
الابيض دى شغاله ولا ايه؟
وايه بقى مواصفات فارس احلامك
اقولكم حاجه اول واحد يخبط على بابكم امسكوا فيه
وربنا محد لاقى عرسان فى الظروف دى
الأحد يناير 03, 2010 12:56 am
